“First Step” — süni intellekt və maşın öyrənməsi texnologiyaları ilə fərdiləşdirilmiş səyahət planlama platformasıdır. Sistem istifadəçinin maraqlarını, büdcəsini və vaxtını nəzərə alaraq optimal marşrut, yaşayış, nəqliyyat və tədbir təklifləri yaradır, bütün səfər prosesini avtomatik və şəffaf şəkildə idarə edir.

Layihənin əsas nəticə və nailiyyətləri bunlardır: Süni intellekt və maşın öyrənməsi alqoritmləri vasitəsilə fərdiləşdirilmiş səyahət planlama sisteminin yaradılması; İstifadəçilərin vaxtına və büdcəsinə uyğun avtomatik marşrut, otel və tədbir təklifləri təqdim edən vahid platformanın formalaşdırılması; Səyahət üçün tələb olunan sənədlərin (viza, icazə və s.) rəqəmsal şəkildə idarə olunmasını təmin edən inteqrasiya olunmuş modulun hazırlanması; İstifadəçi təcrübəsini sadə, şəffaf və interaktiv hala gətirən ağıllı interfeysin hazırlanması; Yerli turizm bazarında innovativ və texnoloji yanaşmanın tətbiqi ilə rəqabət üstünlüyü qazanılması.