Mən ekspert, mentor, təlimçi, məruzəçi və münsif kimi bir neçə proqramda iştirak etmişəm. 2024-cü ildə KOICA-nın İnnovasiya Siyasətinin İnkişafı Layihəsində Yerli Ekspert olaraq fəaliyyət göstərmişəm, layihə Koreya Beynəlxalq Əməkdaşlıq Agentliyi və İnnovasiya və Rəqəmsal İnkişaf Agentliyi (IDDA) tərəfindən dəstəklənmişdir. 2024–2025-ci illərdə universitet tələbələrinə Avropa İttifaqının Sosial İqtisadiyyat və Davamlı İnkişaf perspektivləri mövzusunda Jean Monnet layihəsində rəhbərlik və təlim keçmişəm. 2024-cü ildə SAGE & IDDA Train the Trainer proqramında sertifikatlı innovasiya təlimçisi kimi iştirak etmişəm. 2024-cü ildə Teknofest (Türkiyə) və Teknofest Kipr-də BANM tələbə komandalarına Sosial İnnovasiya və Turizm Texnologiyaları kateqoriyalarında mentorluq etmişəm, 2025-ci ildə Teknofest İstanbulda isə finalist komandaları, o cümlədən 2-ci və 3-cü yerləri və Most Promising Commercialization Award mükafatını qazanan komandaları yönləndirmişəm. 2024-cü ildə Huawei ilə birgə təşkil edilən TransitHack Hackathon-da koordinator, münsif və mentor kimi iştirak etmişəm. Hult Prize on Campus müsabiqəsinin təşkilatçısı olmuşam və GIST (Global Innovation through Science and Technology) layihəsində startup qurucusu və mentor kimi fəaliyyət göstərmişəm. 2024-cü ildə Enactus Milli Müsabiqəsində Miras və BullyGuard layihələrinə mentorluq etmişəm və layihələr müvafiq olaraq ikinci və üçüncü yerləri qazanmışdır. 2025-ci ildə BANM İnnovasiya Mərkəzini Web Summit Lisbon tədbirində təmsil etmişəm və StrategEast 2025 – Dövlət və IT Avrasiya Forumunda akademiya-sənaye əməkdaşlığı mövzusunda çıxış edəcəyəm. 2024–2025-ci illərdə IDDA İnnovasiya Ekosistemi Proqramları çərçivəsində müxtəlif milli innovasiya müsabiqələrində münsif və ekosistem iştirakçısı olmuşam. Həmçinin, Akademik Sahibkarlıq Əsaslı Startap və Inkubasiya Proqramı (ASSİP) üzrə münsif kimi fəaliyyət göstərmişəm. Bundan əlavə, ConstructionTech Incubation proqramında təlimçi olmuşam və Azərbaycan STEAM Festivalı (SAF 2025) çərçivəsində “İnnovasiya və Sahibkarlıq” kateqoriyasında tələbə komandalarına mentorluq etmişəm.

Mən bir neçə proqramın birgə təşkilatçısı olmuşam. Bunlara BHOS və Bank Respublika ilə birlikdə təşkil edilən FinovateBank Hackathon, Huawei ilə əməkdaşlıqda təşkil edilən və münsif və mentor kimi iştirak etdiyim TransitHack Hackathon, Hult Prize on Campus müsabiqəsi və altı həftəlik inkubasiya proqramı olan Lean Startup School daxildir.

İl ərzində mən AgroWise, BullyGuard, FinGuard, BestByte, Navetra, PerkPay kimi aktiv startaplara və həmçinin müxtəlif proqramlar və müsabiqələrdə iştirak etməyi planlaşdıran çoxsaylı layihələrə dəstək olmuşam.